賽馬會「玩學相長」計劃

家家日日玩家居遊戲系列

差唔多個個小朋友都鍾意聽故仔，但係家長有冇試過或者諗過，仲可以加啲新意，用吓你嘅創意玩出新意義呢？或者由囝囡讀返俾你聽？

請小朋友執返啲玩具，都可以好簡單。

點解圖書都識得乖乖地自己排好隊？仲識得叠好晒添！

如果每次囝囡收好啲圖書，你就覺得係應份，唔收好呢，就話佢冇手尾，咁佢好難會有動力去收拾。

試吓喺佢收拾好後講句；「讀完圖書仲識得收返好，我好鍾意咁有手尾嘅你。」

💡 遊戲心得

玩個遊戲先，唔，今日你想啲書點排返入書架度？分高度定係顔色？

由小朋友決定跟乜條件，佢地就會好樂意去配合。

相信好多人都有玩過文字接龍遊戲，但係原來我哋仲可以用圖書玩接龍。先兩日，大家可能發現到，書嘅外表 (如: 大細高度顏色) 及內容種類總有相同嘅地方，就善用呢啲特徵去將手頭上啲圖書連接埋一齊啦！　睇吓可以接到幾長？

💡 遊戲心得

記得要俾充足時間佢自己去搵，當佢未諗到可以試下俾啲小提示。

每當小朋友連接到一本圖書，就記得稱讚佢嘅大發現呀，咁佢先會有心機再繼續去發掘更多。