家家日日玩  家居遊戲系列

H01-H09 家務遊戲系列

如果想小朋友樂意去做家務,可以用一個簡單遊戲介入。 

將啲小小家務畫成不同嘅家居小任務,以「劃鬼腳」形式,每日請小朋友自行加一條線,再找出當天小任務,佢哋會滿心歡喜去完成。

 

💡 遊戲心得

小任務必須要係小朋友能力能做得到的,能完成他們才有成功感。』『非常重要的是,當每次任務完成,成人必需給予肯定及讚賞,強化呢啲好行為。

收拾收納玩具應該係小朋友嘅責任,不過好多時候佢哋唔做,大人就會邊話佢哋唔執野,冇手尾,但自己又插手去執返好晒啲玩具,咁樣小朋友就好難培養出責任感喇。

今日先同佢哋玩好(練習好)執玩具基本版,過兩日會將遊戲升級,一於日日同玩具玩遊戲!

💡 遊戲心得

小朋友將玩具放入合適玩具箱同時,家長可以扮係嗰件玩具同佢講:「多謝你送我返屋企!」小朋友學識分類外,你又示範了如何感恩,一舉兩得。


 

如果執玩具之餘,仲可以認識何為統計,係咪好化算呢?其實只要家長陪住小朋友一齊收玩具,喺旁邊互動及作出引導,咁又點會係收好啲玩具咁簡單。

💡 遊戲心得

小朋友自己將「 隊名」 寫低或者用簡筆畫畫低,貼喺每個玩具盒外面, 呢個就係「 標準」。

遊戲前先俾小朋友望一望標籤, 自己寫自己畫通常會較為容易記得清楚。

如何通過遊戲培養小朋友的責任感

遊樂時間完畢後,放回箱子,排排整齊,方便下次拿出來就可以玩,不用再送迷途玩具回家了。每次玩完玩具收拾整理, 這就是標準。

小朋友習慣了自己玩過的玩具自己整齊收拾妥當,這便是他的責任。

今日執玩具 終極版「玩具要回家」

1/ 小朋友喺每個箱攞幾件玩具出嚟玩,可以喺限時裡自由配搭玩 ( 例如:10分鐘)。

2/ 「玩具要回家」喇,睇吓你用咗幾多時間,準確咁將佢哋送返屋企。

3/ 非常準確,語言上讚賞之外,仲可以獎勵吓, 可揀雙倍玩具或者雙倍時間玩。

💡 遊戲心得

加啲幽默感,孩子發現唔同類別玩具錯放喺個盒裡面,好似蕩失路唔識得返屋企或者去錯屋企一樣嘅時候同佢講:「小朋友,一齊玩之後,你記得要返自己屋企瞓覺呀!」

喺「抹出彩虹」過程中小朋友已經基本掌握點樣抹嘢,今日就玩個動感版本。 除咗用雙手抹枱之外,仲可以用埋對腳嚟抹地。

💡 遊戲心得

溜完冰,可以一齊檢查毛巾底下,睇吓會發現啲乜(可能係塵埃或者頭髮之類),等小朋友知道點解要勤清潔,並從毛巾觀察到清潔嘅成果。之後當然要洗乾淨對手啦!

俾小朋友諗吓,除咗毛巾,仲有乜嘢都可以用嚟清潔?問吓點解要用/唔用佢,舉一反三!

想孩子繼續努力,就要先讓他有成功感。

家務遊戲應該由淺入深,由孩子有信心玩(完成)的程度開始,不用一開始就挑戰最難的遊戲版本。只要營造出歡樂輕鬆的氣氛,家長和孩子便能一起享受遊戲過程,共同建構快樂的回憶。當孩子成功完成任務,從中得到成功感,也建立自信心。

所以當我們請小朋友幫手抹枱抹地,便可以把要學習的技巧化成遊戲。另外也需要注意:

1/ 先從細小的範圍開始,讓孩子有成功感。

2/ 完成了,讓孩子自己做檢測 ,欣賞自己的成果後,可以由孩子選擇下一個地方。

💡 遊戲心得

先用玩具嚟玩,等小朋友掌握概念同埋動作, 唔駛一開始就急著收拾同清潔。

想更好玩,要加入啲想像空間,刺激五感,自然就會衍生趣味性。「咦,點解會有架飛機喺水面嘅?

做嘢要有彈性,可以喺日常生活裡面考驗吓小朋友應變能力,如果只可以用一張紙巾,仲有冇能力抹乾淨張枱?

好玩嘅地方,就係過程中要逐一擊破,清除污點嘅刺激感, 就好似喺遊樂場射吓波波一樣,逐個位置KO佢。

期間記得一齊欣賞可行方法:『真厲害,果然厲害。』

💡 遊戲心得

清理乾淨後,同小朋友一齊欣賞成果。停一停、睇一睇、仲可以影張相,幾咁明亮乾淨。 如果係平滑鏡面,甚至可以企喺前面,睇吓自己嘅倒影,幾咁有趣!

小朋友需要收拾時,就可以利用呢個遊戲喇!

讓孩子自己去發現及完成,收拾和清潔的工作就會變得很有趣。

做家務的過程,有助刺激孩子探索和發展好奇心。當孩子覺得學習當中的技巧及相關技能都是好玩的事 ,生活中不同的新挑戰都會視作好玩的遊戲。

小朋友通過收拾自己的玩具,幫忙清潔家居環境及協助整理衣物等家務,除了能體驗一家人應該互相幫助外,更可以學會適當的知識/技能/態度去完成生活的各種任務。

原來同小朋友練習好一啲基本對摺嘅技巧,就可以進階接受挑戰摺大被、床單或者被袋,今日先玩好(掌握)對摺技巧基本版啦!

遊戲心得:『可以同小朋友輪流做, 你摺一吓, 我摺一吓, 仲要一齊欣賞大家專注對摺嘅時刻。 』

『如小朋友年紀較細,可以預先用紙將對摺線摺出來,再拆開嚟等小朋友照著摺痕摺,更容易掌握對摺嘅竅門。』

挑戰任務:

『若小朋友已掌握好對摺,家長不妨同佢一齊玩摺 T-shirt。鋪平件衫後,1) 左右兩邊對摺,2) 將袖摺入,3) 底部向上摺,只需三步曲就搞掂喇!』

好好練習吓先,之後一齊挑戰摺被任務。

每日起身要為摺被而煩惱嗎? 只要俾機會小朋友練習同加啲『魔法聲』, 咁就可以一齊輕輕鬆鬆玩著完成任務!

當然要同小朋友一齊做, 先玩好(掌握)對摺技巧基本版未?一齊接受挑戰大被、床單或者被袋啦!

遊戲心得:『一舉三得:

1. 能夠駕馭大型物品刺激感,

2.同心協助,對摺大毛巾或被,一齊完成嘅滿足感

3. 滿足小朋友對誇張大小物品產生好奇心 』

『想更加吸引有趣,要循序漸進留意小朋友能力同反應,而每當一直角接觸到另外一隻角時,加插少少反應音效 (例如: 哇哇/ 呯呯),咁就互動好玩喇。』

遊戲教育專家的話:『如何引發孩子主動完成務任的動機?』

引發孩子動機,要完成的任務必須比較簡單,之後可再調整,鼓勵他能每天完成。 初期需要輔助孩子,令他們容易成功,有成就感,願意繼續。

量化成就:孩子自行編排每天的任務 (3-5項),當天完成了,就給一枚他喜愛的貼紙作為獎勵,欣賞自己如何做得到,讓他親自貼在日曆上。每天完成了任務,拿到貼紙向目標邁進。 

也可以事先商議好,儲滿5個貼紙,就有一個小願望 ,如果不用,儲滿10個貼紙後,就有一個大願望 (貼紙數量及願望內容可以定期檢討)。

看到的、摸到的,有滿足感,那個記錄成果的日曆是孩子專屬的,有自主感 (ownership)。

​關於我們

由香港賽馬會慈善信託基金捐助、香港大學教育學院 融合與特殊教育研究發展中心推行的賽馬會「玩學相長」計劃,是一個社交情緒學習項目,並源自於一項已有效實施了十多年的社交能力影響研究計劃。賽馬會「玩學相長」計劃旨在支援家長和教師成為變革推動者,透過在不同環境中進行的面對面互動遊戲,促進孩子的社交技能和情感發展。項目已在幼稚園進行,並推廣至家庭和社區。

​互動遊戲經驗分享平台

© 2020 by Jockey Club "Play n Gain" Project

聯絡我們

電話 :  (852) 4610 2400

電郵 :   jcplayngain@hku.hk

主辦機構 :

​捐助機構 :